Банкаўскі ўклад - гэта не толькі спосаб захаваць грошы, але і крыніца дадатковага даходу. І ў некаторых выпадках з такога даходу трэба плаціць падаткі.
Калі размясціць уклад у беларускіх рублях на тэрмін больш за 1 год, а ўклад у замежнай валюце на тэрмін больш за 2 гады, то падаходным падаткам сума працэнтаў не абкладаецца.
А вось калі тэрмін вашага рублёвага дэпазіту складае менш за 1 год, альбо тэрмін валютнага дэпазіту - менш за 2 гады, з налічаных працэнтаў давядзецца заплаціць падаходны падатак па стаўцы 13%.
Важна разумець, што падатак не закранае асноўную суму ўкладу і распаўсюджваецца толькі на працэнты.
Прыклад разліку падатку па даход по ўкладзе
Дапусцім, вы зрабілі ўклад на 1000 беларускіх рублёў пад 10% гадавых на паўгода. Сума налічаных банкам працэнтаў за ўвесь тэрмін у гэтым выпадку складзе 50 рублёў (без уліку капіталізацыі).
50 руб х 0,13 = 6,5 руб
Сума падатку да аплаты складзе 6,5 рублёў. Прыбытак, які ўкладчык атрымае на рукі - 43,5 рубля. Эфектыўная працэнтная стаўка, разлічаная з улікам выплачанага падатку - 8, 7% гадавых. Такім чынам, рэальная даходнасць у гэтым выпадку знізіцца на 1,3 працэнта.
Важна! Дэклараваць даход па банкаўскіх дэпазітах і самастойна выплачваць падатак з даходаў не трэба. У ролі падатковага агента выступае банк, менавіта ён бярэ на сябе выкананне ўсіх неабходных працэдур.
Навошта патрэбен падатак?
З дапамогай існуючай сістэмы падаткаабкладання даходаў па банкаўскіх дэпазітах насельніцтва заахвочваецца да размяшчэння сваіх свабодных грашовых сродкаў на больш працяглыя тэрміны. Дзякуючы гэтаму ў банкаў з'яўляецца больш упэўненасці ў будучыні, ствараюцца больш спрыяльныя магчымасці для далейшага інвесціравання сродкаў і крэдытавання эканомікі. Ёсць станоўчы момант для самога ўкладчыка: "доўгія" дэпазіты маюць больш выгадную працэнтную стаўку ў параўнанні з "кароткімі" ўкладамі.
Плаціць падаткі з даходаў па ўкладах - распаўсюджаная сусветная практыка. Яна прымяняецца як у нашых суседніх дзяржавах - Украіне, Расіі, так і ў іншых еўрапейскіх краінах, напрыклад, у Польшчы, Германіі, Балгарыі.
