У гэтым годзе Тыдзень фінансавай граматнасці дзяцей і моладзі прайшоў з 17 па 23 сакавіка 2025 года. У 2025 годзе, аб'яўленым у Беларусі Годам добраўпарадкавання, тыдзень праходзіў пад дэвізам "Навядзі парадак у асабістых фінансах".
Штогод у сакавіку Нацыянальны банк праводзіць Тыдзень фінансавай граматнасці дзяцей і моладзі. Мэтай гэтай інфармацыйнай кампаніі з'яўляецца азнаямленне маладых людзей з пытаннямі фінансавай граматнасці і дапамога ім у авалоданні навыкамі рацыянальных фінансавых паводзін. Адкрыццё Тыдня фінансавай граматнасці дзяцей і моладзі традыцыйна адбылося на Беларускай валютна-фондавай біржы. Сімвалічны ўдар у біржавы звон знамянуе адкрыццё Тыдня фінансавай граматнасці і дае старт правядзенню шматлікіх адукацыйных мерапрыемстваў па фінансавай граматнасці для падрастаючага пакалення па ўсёй Беларусі.
На гэтым тыдні банкі, лізінгавыя арганізацыі, страхавыя кампаніі і іншыя ўдзельнікі фінансавага рынку адкрываюць свае дзверы як анлайн, так і афлайн для маладых людзей, расказваюць пра асаблівасці сваёй работы. Чаму так важна менавіта ў юным узросце пазнаёміцца з правіламі рацыянальных фінансавых паводзін? Таму што звычкі, сфарміраваныя ў чалавека з дзяцінства, будуць прадвызначаць яго далейшае жыццё.
Засвоеныя ў юнацтве навыкі абыходжання з фінансамі дапамогуць маладым людзям у дарослым узросце ўмела карыстацца фінансавымі інструментамі, што значна пашырыць межы жыццёвых магчымасцей і дазволіць больш паспяхова клапаціцца аб сваім дабрабыце.
Прапануем вашай увазе вялікую колькасць матэрыялаў для правядзення ўрокаў.
У выпадку ўдзелу ў інфармацыйнай кампаніі просім забяспечыць па магчымасці шырокае асвятленне мерапрыемстваў на афіцыйных інтэрнэт-сайтах сваіх арганізацый, а таксама ў рэспубліканскіх і рэгіянальных СМІ. Інфармацыю аб праведзеных мерапрыемствах чакаем да 1 красавіка 2025 года на е-mail: fingramota@nbrb.by (апісанне мерапрыемства, фотаздымкі).
Запрашаем усіх жадаючых далучыцца да акцыі!