У сувязі з Тыднем фінансавай граматнасці дзяцей і моладзі (з 20 па 26 сакавіка 2023 года) Нацыянальны банк традыцыйна праводзіць конкурс відэаблогераў.
Прызы
Галоўны прыз у кожнай узроставай групе – грашовая прэмія.
Журы таксама мае права засноўваць дадатковыя прызы ў асобных намінацыях.
Удзельнікі
У конкурсе могуць узяць удзел (як індывідуальна, так і ў складзе калектываў) грамадзяне Рэспублікі Беларусь, замежныя грамадзяне і асобы без грамадзянства, якія пастаянна пражываюць у Рэспубліцы Беларусь, ва ўзросце ад сямі да трыццаці аднаго года. Кожны ўдзельнік конкурсу можа даслаць толькі адну работу. Конкурс будзе праводзіцца ў трох узроставых катэгорыях.
|
Катэгорыі |
|
ад 7 гадоў да 12 гадоў |
|
ад 13 гадоў да 16 гадоў |
|
ад 17 гадоў да 31 года |
ПАТРАБАВАННІ ДА ВІДЭАРОЛІКА
Рэкамендуемая працягласць відэароліка, які прадстаўляецца на конкурс, складае тры хвіліны. Для ўдзелу ў конкурсе неабходна запоўніць заяўку, якая змяшчае згоду на апрацоўку персанальных даных.
ПРА ШТО ПАВІНЕН БЫЦЬ ВІДЭАРОЛІК
Ці ёсць у вас любімы супергерой? Якія ў яго звышздольнасці? Магчыма, ён можа лётаць, рассекчы супраціўніка сталёвымі кіпцюрамі, рухаць планеты ці наносіць зруйнавальныя ўдары, ратуючы сусвет.
У рэальным жыцці ратаваць сусвет прыходзіцца нячаста, а вось фінансавы дабрабыт чалавека поўнасцю залежыць ад яго фінансавых кампетэнцый. Менавіта яны з'яўляюцца суперсілай для паспяховага зарабляння, рацыянальнага выкарыстання, захавання і прымнажэння грашовых сродкаў. Давайце пафантазіруем, якія суперздольнасці нядрэнна дапамаглі б у гэтым. А можа, нават выратавалі б чалавецтва.
Прапануем удзельнікам конкурсу зняць відэаролік аб сваім любімым супергероі (ці прыдумаць свайго ўласнага). І надзяліць яго адной ці некалькімі суперсіламі фінансавай граматнасці. Якімі суперздольнасцямі фінансавай граматнасці будзе валодаць ваш герой? Як ён можа іх выкарыстоўваць? Супергерой з якой здольнасцю пераможа ў бітве за фінансавы дабрабыт? Ці ўсе здольнасці аднолькава важныя? Дзе можна знайсці такую суперсілу?